Jetzt Tickets sichere: https://www.ticket-onlineshop.com/ols/gcz/de/meisterschaft/channel/shop/areaplan/venue/event/560980

S Derby staht vor de Tür. Sinder scho nervös? oder nervös isch viellicht s falsche Wort, sind au so ufgregt wie ich? Will ich chas chuum erwarte! Es isch wieder Derbyzit und ich freue mich über d Lüüt, wo is Stadion chömmed und blauwiss unterstützed. Das Gfühl wenns wieder ganz ganz eng ide Kurve wird, das Gfühl wenn alli bock hennd uf das einte Spiel wenn de Stadtclub vo 1886 im Ihsatz staht. 

und jetzt churz Vorem Zürcherderby wett ich no es paar Wort los werde:

Die Wort sind jetzt nöd öpis für jedi Person, nöd für alli GC Züri Fans aber trotzdem empfind ich sie als sehr sehr wichtig.

Eines Tages wird leider de Tag cho, wo du , wo ich und mir alli nümme da sind.

Eines Tages sind mir tot und zwar für immer.

Eusi Zit uf dere Erde isch extrem limitiert.

Eusi zit isch begrenzt. 

Und die Zit wo mir hend mümmer gnüsse und alles, wüki alles drus ussehole wo möglich isch.

Also wenn de Fuessball en Teil vo dim Lebe isch wie au vo mim Lebe, denn träg das mit dir mit.

Wenn de Grasshopper Club Züri dini Liideschaft isch, wie au vo mir, denn träg das mit dir mit. 

Statt go Kaffi trinke bi de Grossmuetter gahsch mit Ihre is Stadion, statt dihei vergammle und d Decki ahstarre gahsch lieber is Stadion. Statt de Fernseh ahstelle und de Match uf de Couch luege, gahsch is Stadion. 

Schaff erlebnis, Schaff freud und schaff emotione, nimm dir die zit und bis teil vo de gschicht vo GC Züri. 

Denn das bliibt für immer.

Nur gmeinsam schaffemer das, chunnsch mit?

Denn ich bruch dich, d Kurve brucht dich de Sektor C und de Sektor A brucht dich. Ganz Züri brucht dich. 

Emotione, Gfühl und Gschichte bliibed für immer, mir gsehnd eus bald im Stadion - Für eusi Liebi für GC Züri!